終於放假囉, 今次仲放幾日添, 我都完成左個placement report囉終於, 真係做得好辛苦, 做左成兩個禮拜, 但都唔知自己打咩, 打到好亂, 愈打愈冇心機, 不過點辛苦都要做完佢. 呢幾日好想抖下, 做左咁多野, 義工個度又好多野做, 好似會議紀錄咁每個月要打兩份, 有時都打到傻傻地, 希望可以做好佢, 又可以減低我既負擔就好喇.

今日同老公仔去旺角行街街, 幾開心, 一齊試上台, 買左免提, 係咁用, 好好玩, 唔使成日拿住個電話, 舒服好多. 又買左一條馬騮仔電話繩, 好平丫, 10蚊咋, 又靚, 又cute. 之後同佢去先達買左3件Tee, 好平, 好靚, 好大件, 唔錯, 愈來愈鍾意著Tee喇我地, 之後我地去左大家樂食肥牛醉雞鍋, 48蚊, 都幾多料, 不過就唔包野飲同肥牛唔夠多, 所以都一般, 不過兩個人食都幾飽, 出面食都冇咁平. 食完就返屋企囉, 點知係太古個時係車廂度撞到契爺, 好耐冇見佢囉, 真係好多野傾. 今日好累, 不過就好充實.

最近返學都幾順利, 同wing, connie, rudy, 阿正一組做project,可以同佢地一齊合作好開心丫, 大家都有講有笑, 所以宜家返學都好充實囉. 不過要快d完成placement report同Sep BM Minus囉, 好忙喇開始, 又係新挑戰。

最近同老公仔都一齊病, 我病先, 跟住佢又病, 所以大家都心情麻麻地咁, 又呆又冇力講野, 希望我地一齊好返曬啦. 宜家同老公仔既感情都好穩定, 冇咩大風浪, 成日見面, 好似唔見唔自在咁, 一齊差唔多半年囉, 好開心, 佢之前幫我手打會議紀錄, 又專登晨咁早來幫我拿開會既野去影印, 所以好感動, 好多謝佢囉, 瑜瑜會好愛你架, 老公仔豬豬, 大家睇到千祈唔好毛管凍丫, 呵呵...

今日終於返學囉, 又係咁無聊, 唔知有咩做, 我d同學又係咁樣, 好悶丫, 我發覺自己唔係好識同佢地相處, 如果time-table唔岩我返工時間既話, 我可能轉去隔離班上, 希望可以有個新開始啦.

前幾日9月8號我同老公仔同埋佢屋企人去左迪士尼玩, 發覺個度好細, 又唔多野玩, 最刺激個係飛越過山車, 我同老公仔仲咁岩被安排坐第一行, 好驚丫, 不過我地都死橕過去囉, 好勁丫我地, 仲有個超動感3D影院都好好睇, 個日好熱, 冬天去就差唔多, 之後同佢屋企人一齊食飯, 都係第一次咋, 幾緊張丫, 不過我都一直扮鎮定, 呵呵, 希望過到關啦.

8月31號係我20歲生日, 我等左個日等左好耐囉, 估唔到咁快就20歲喇, 時間真係過得好快, 生日個日訓醒去九龍灣搵男友, 跟住一齊食意粉屋慶祝, 今次食個套餐好好食, 尤其個肉醬芝士意粉, 好好味, 好想再食多次丫, 個度既氣氛唔錯, 附近d花花圍住好靚. 老公仔好慘丫, 個日病左但都出來陪我過生日, 我知佢係死頂架, 叫佢睇醫生佢又唔去, 個日真係好擔心佢突然有事, 希望佢好快好番, 好似以前咁精神啦. 之後我地去左睇生日蛋糕, d蛋糕好貴丫, 不過好多款式, 個個都好好味咁既樣....yummy..yummy...跟住我地決定玩完photo hunt先去買炭燒咖啡蛋糕, $98架, 點知一玩就玩到7點多, 就啦啦臨去買蛋糕就搭車去清水灣囉.

估唔到清水灣咁遠, 落左車仲要行落去, 又要行樓梯, 去到黑蚊蚊, 感覺唔係幾好, 初初諗住可以訓係沙灘上睇黃昏架, 不過夜左去咩都睇唔到, 好彩我有帶膠台布, 可以cover係沙上面, 然後我地訓上去一面食蛋糕, 一面睇星星, 傾計, 咁岩有兩粒星星好靚架, 好似一粒係我(瑜瑜), 另一粒係豬豬咁, 個晚真係好浪漫丫, 我地最後仲一齊合唱屋頂, 唱完先走, 我食左成半個蛋糕飽到上心口,一直好想嘔, 不過老公仔買我又唔想曬左佢喎, 咁岩老公仔病左冇胃口又食唔到, 但係我個胃都好犀利喇, 愈食愈多, 開始愈來愈肥喇, 呵呵!!!

20歲生日真係好難忘, 第一次係沙灘上食蛋糕過生日, 好多謝老公仔送既禮物丫, 我好仲意, 尤其係個閃閃藍色天使頸鍊, 好靚丫, 其他禮物都好有心思, 你要好好休息, 快D好返丫, 我唔想睇到你病個樣喔.