好耐冇寫曰記囉, 希望大家仲記得我啦, 最近心情都麻麻地, 做野個度又唔係好投入, 有時同d同事又唔係好融洽, 可能我做得唔耐, 時間又短啦, 有時真係唔知同佢地講咩話題好, 唉, 好悶

我媽又搵野來講, 又話我讀個科出來唔知有咩好做, 死都話讀酒店好,有前途, 好睇唔起我讀既科囉, 又話就算出來做野都係得個6,7千蚊, 咁我又唔係大學出來既大學生, 唔通有成萬銀一個月咩, 真係好傷心囉, 唔支持我做野, 讀個科不單止, 仲要踩我話點話點, 真係.....冇野好講

最近我屋企附近發生又幾單扑頭殺人案, 專殺d阿伯, 好恐怖, 睇來我放工後都要小心d喇, 大家都要小心丫, 希望快d可以捉到個兇手啦.

我今次第4次去面試見暑期實習員終於成功左喇, 係中環中國工商銀行大廈裡面一間叫Seasons Fitness既健身公司裡面做Training.

面試個時係個鬼佬見我既, 但唔知點解當時我又唔驚佢喎, 好冷靜咁答佢問題, 佢對青獅會好有興趣, 一開始就問我Leo Club of Lion Rock係咩來, 又問我搞過D咩活動, 個活動主要做D咩既, 然後好似傾計咁就請左我喇, 我覺得佢好Nice同Friendly丫.

好多謝佢選左我, 因為原來我另外一個同學話個間公司冇打過電話俾佢叫佢去面試, 但反而有打俾我, 咁就請左我喇, 而且個間公司只係請一個人咋, 我地3個同學去爭, 竟然俾我爭到, 所以好LUCKY囉......HEHE

宜家我同你一齊好開心丫, 你又知我諗咩, 我又知你諗咩, 有時唔講出來都知, 好神奇呢, 我都未試過有一個人可以同我成日諗埋同一樣野, 一樣既思想架, 你話買野送俾我, 未去買我已經估到你會買咩俾我喇, 係咪好犀利呢. 不過你又唔知我送咩俾你喎, 你要再俾心機去估喇, 或者有一日你會估到呢. 仲有丫, 成日講野同你撞曬嘴, 一齊講同一樣野出來, 連節奏, 每個字都一樣呢, 真係好勁丫. 我都唔想架, 但唔知點解次次都同你撞, 好似同你今世有咩仇咁. 我希望可以一直咁樣落去, 日日都咁開心, 你成日搞到我笑到唔停, 係停唔到, 控制唔到添丫, 哈哈哈!!!嘻嘻哈唔......唔唔哈嘻...呵呵呵...........傻左

希望你今次考試順順利利, 成功在望啦, 等你好消息喇.

最近有好有唔好，都唔知點講囉，好似成日唔知做緊咩咁，連鍾唔鍾意人都搞到一塌糊塗，唔係返學，放學，返工，放工，就係一個人係屋企，或者去開會，做義工咁，真係冇咩樂趣，仲衰過以前好多倍，以前有拍拖個時就等男友來香港陪我，感覺有目的D，等一次，走一次，等一次，走一次咁......不過搞到好累，所以最後都係放棄左。宜家有人仲意我，但我唔知點搞好丫，搞唔清自己既感覺，我又唔想害左人地，因為我有好多地方都唔好，個人好鬼悶，又唔識講野喎。不過我覺得我會搵到答案既，唔好咁心急啦。

上學期既成績不過不失咋，得4科有7字頭，好屎，好多同學都有啦，我地班個D人真係隱藏實力，好勁丫，睇來我要努力加油囉。 我同同學最近既關係都改善左好多，所以我都唔想轉科囉。